Villsauene på Runde

2 kommentarar

IMG_8564

For ei tid tilbake rydda eg i garnlageret mitt og bestemte meg for eit resteprosjekt. Eg har lenge sikla på oppskrifta på «villsaugenseren» og konkluderte med at ei slik jakke til minstemann måtte bli eit bra resteprosjekt. Og det vart det! Litt Finull, litt Gammalserie, litt PT2 (alle Rauma) og ein liten dæsj 2-tråds frå Nøstebarn.

IMG_8327Då eg starta på bolen oppdaga eg at eg måtte strikke fleire cm med grunnfargen før eg starta på mønsteret og bestemte meg i løpet av fyrste sauerad for at det kom til å sjå skikkelig dumt ut og at eg heller skal legge inn dei omgangane mellom saueradene neste gong. No etterpå tenker eg at det er heilt greitt, det har ikkje plaga meg so mykje som eg skulle tru. Men i str 3 år ville eg kanskje heller strikka ein omgang ekstra med grunnfarge mellom radene, eller lagt inn ei sauerad ekstra nedst.

IMG_8544

I utgangspunktet hadde eg ikkje sjekka so nøye kor mykje garn eg trengte, men satsa på at det eg hadde var nok. Det gjekk akkurat! Fargane bestemte eg litt etterkvart, avhengig av kor mykje som gjekk av kvar farge. Den eine armen er strikka i Rauma sin 2tr Gammelserie og er restegarn etter selbuvottar. Den andre armen er finull, restar etter at eg strikka og tova mus til mormor til jula 2013. Det kvite kjem også frå museprosjektet, og den blå er gammalserie etter favoritt-selbuvottane mine. Den gule trur eg var PT2, og kjem nok frå nokre påskekyllingar ei tid tilbake. Dei to øvste radene(sånn omtrent) er meir offwhite enn resten, men på totalen viser det ikkje. Eg gjekk ALL IN for å bruke restar, og sjølv om freistinga for å reise og handle meir kvit midt i nest siste sauerada var der, droppa eg det og lurte inn ein annen nyanse istaden. Du ser det berre dersom du veit det. 😉

Den største garnutfordringa var då knappestolpen skulle strikkast. Då hadde eg ikkje nok garn i nokon av dei utkåra garntypane og måtte ty til litt 2-tråds frå nøstebarn. Den var ein heil del tynnare og hadde ein litt annen blånyanse, men pytt pytt. Resteprosjekt er resteprosjekt.

Knappane er sjølvsagt også frå restelageret.

IMG_8684

Definitivt eit av dei mest motiverande prosjekta på lenge. Både fordi det vart fint, mønsteret er supert, garnet deilig og fargane fine. Litt mykje tvinning av trådar på baksida, men det gjekk overraskande greit det også.

Oppskrift:Villsauene på Runde

Garn: Rauma; Finull, PT2, Gammelserie, Nøstebarn; 2-tråds.

Pinnar: rundpinne og strømpepinnar 2,5(brot) og 3mm.

Tid: 2-3 veker

 

Advertisements

2014-spam

Kommenter innlegget

Etter at eg vart trebarnsmor i full kvardagsjobb har det vore minimalt med blogging og sterk reduksjon på handarbeidsfronten. Men noko har eg produsert og her er litt frå 2014, slik at eg får det ut av systemet:
IMG_5742 IMG_5696

Tøfler med falske fletter strikka i Sterk. Kjempedeilige! Lagde eit par i gåve og eit par til meg sjølv.

DSC_0082 IMG_2001 IMG_5234

Lommetøflene fekk heva status då eg kom på at det går an å hekle ein kant med kontrastfarge rundt åpningane.

IMG_2093

Denne puta strikka eg på bestilling då eg var HEILT inne i bella-mønsteret etter teppet til Sebastian. Den er strikka i noko mjukt og tjukt frå Nille.

IMG_5737

Mitt kjære søskenbarn ønska seg lue, og då fekk eg endeleg strikka uglene eg hadde sett på so lenge. Veldig kule! Eg har ei lue til som berre manglar auger i str 2-3 år liggande om nokon skulle vere interessert. Trur eg strikka dei i Sandnes Perfect og uglene fann eg på ravelry. Eller google. 😉

IMG_6071 IMG_6072

Bleiepose til babyshower for ei flott graviddame som er langt over graviditeten no.

IMG_7332

Julegåve til dei frostige bestemødrene mine. Pulsvarmarar med falske fletter. Eige mønster. Kanten øvst er ikkje hekla, men strikka. Den framgangsmåten fann eg på felisia sin blogg, og sjølv om det krevde konsentrasjon og var litt knotete vart resultatet bra og smidig.
IMG_7355 IMG_7357

Luer, tøfler og enda eit bellateppe. Denne gongen i babysilk til vesle Aron-Livander. 🙂 På dette teppet brukte eg ikkje 8 dagar, kanskje nærare 8 veker. Eller meir.

IMG_7528

Heklenål-etui i julegåve.

IMG_6555

Djevellue der eg ville ha spissen lang. Hadde planlagt å strikke 2-3 omg mellom kvar felling, men følte eg aldri vart ferdig og felte raskare på slutten. Den vart ikkje so lang som eg hadde tenkt, so neste gong fullfører eg planen. Kanskje.


IMG_5762Diggar denne dressen frå 2013. Passar fortsatt fint til Jonathan på 3,5 år.

Eivind-jakke

Kommenter innlegget

IMG_6221

Vesle Eivind fekk denne jakka og lua då han vart fødd. Den er strikka med dobbel tynn alpakka og oppskrifta er frå Pickles. Hugsar ikkje kva den heitte og tar gjerne imot tips om det. Jakka vart knøtlita, men Eivind var heldigvis ikkje so stor han heller. Han fekk i alle fall tredd den på før den måtte leggast vekk.

Emil-jakke

Kommenter innlegget

IMG_6331

Då vesle Emil vart fødd for snart eit år sidan strikka eg tøfler og denne jakka. Tøflene har eg blogga om før og jakka er eiga oppskrift. Den er strikka med dobbelt tynt alpakkagarn, truleg frå drops. Eg hugsar verken pinnestr eller kor mange masker eg starta med. Neste gong skal eg ikkje vente eit år med blogging. 😉

Lave tjukkelester

Kommenter innlegget

Før jul strikka eg eit par herresokkar av litt over halvparten av eit kjempenøste. No har rubbel og bit blitt brukt opp og eg har eit par lave sokkar til besøkskorga i gangen.

Garnet var forholdsvis tynt og eg brukte pinne 3 og 60 masker.

20140328-220725.jpg

Varme føter til jul

Kommenter innlegget

Fleire julegaver:
452

Tjukkelester til morfar. Strikka i eit tysk sokkegarn frå Gründl. Eg kjøpte eit kjempenøste på 150 gram og har heilt sikkert nok igjen til eit par til 5-åringen min også. Litt tynt garn, trur eg brukte pinne nr 3.

023

Tøfler til min kjære bror. Slike har eg strikka massevis av, og denne oppskrifta er alltid god å falle tilbake på. Eg har den berre i str dame, men la til nokre masker og strikka dei mykje lenger. Desse er strikka i østlandsgarn eller noko lignande som eg hadde liggande. Den mørkeblå kjøpte eg for å strikke fanakofte av då eg gjekk på folkehøgskule i 03/04. Eit av dei mange UFOane mine..

246

Sokkar i Sterk til finaste Irene. Dei er strikka med falske fletter og på p 3,5. Eg brukte omtrent to nøster til desse. I og med at eg hadde kjøpt 3 nøster for sikkerhets skyld er eg no igang med eit par til meg sjølv også.

Tova mus

Kommenter innlegget

020

Desse tovamusene laga eg til mormor til jul. Oppskrifta er frå Sandnes Garn sitt hefte 37: «Strikk og tov julen inn». Eg lurer litt på kva slags designarar sandnesgarn har ansatt for å lage oppskrifter til dette heftet. Strikkarar tvilar eg på at dei er. Musene skulle strikkast  fram og tilbake i 3 delar og syast ihop etterpå. Eg gjorde det på den fyrste, men den andre strikka eg heller rundt. Mykje betre.

Musene er strikka i Rauma sitt Finullgarn og pinne 5. Forkleet strikka eg på 2,5 med noko babyull eg hadde liggande.

 

Oppskrift: Strikk og tov julen inn, SandnesGarn

Garn: Finullgarn, Rauma

Pinnar: 5 mm

Older Entries